【自助餐放蛇卧底组】$200有找 韩菜料理 放题

2020-06-13

韩烧同日本菜 放题 你就食得多,有埋韩国料理嘅 放题 你又食过未?呢间以韩星画像作装饰的餐厅在装修方面也花过心思,枱与枱之间有一定的空间,设有卡位和VIP房。可供选择的韩日料理超过十款、烧肉和海鲜种类超过三十款!到底味道係点呢?等我试下先!

 

订了枱也要等到2046

打电话订枱时店员表示即使来到也要等,但没想过仍然要再等多一小时(请问订枱的意义何在?),餐厅的时间管理要尽快改善。细心的经理知道顾客等了很久,会提供冰冻嘢饮。

 

刺身望落新鲜 食落无味

除了点了的刺身外,餐厅会额外送每位客人一只手咁长嘅鲜虾刺身。刺身数量也来得很足,卖相也很吸引,望落肥美又新鲜。食落口感不错几juicy,温度适中,不过就无味,有点失望。

【自助餐放蛇卧底组】$200有找 韩菜料理 放题

 

寿司的名字几有创意,如:黑蚊蚊、笑虾虾、碎湿湿。卖相不俗,绝对不像其他 放题 般求其将旧饭堆埋一齐咁。不过,夹起寿司时发现其实件寿司都几散。

【自助餐放蛇卧底组】$200有找 韩菜料理 放题

【自助餐放蛇卧底组】$200有找 韩菜料理 放题

 

食 放题 竟然有人蔘鸡汤?!仲唔即刻挑战下?嗰碗汤,啊唔係,个汤碗好大,但汤就唔係好多,只係一人份,如果想食就要一人叫一碗。足唔足料呢?记者见到有几条人蔘鬚鬚(应该係),同鸡皮一块。可能厨师以为我唔锺意食汤渣,所以足唔足料就见仁见智。味道方面就一般般啦,普通鸡汤味,无人蔘味的。

牛肉粉丝辣汤内有很多牛肉,而且口感鲜嫩不黐牙。汤的味道像罗宋汤,又够晒热,不是很辣。呢个可以添食!

【自助餐放蛇卧底组】$200有找 韩菜料理 放题

酱油虾的卖相有点似泰国的生虾刺身,虾的味道被大蒜和酱油盖过,完全食不到虾味,而且酱油很鹹,疑似中伏!

【自助餐放蛇卧底组】$200有找 韩菜料理 放题

 

韩国料理又点少得年糕呢?呢到用卡邦尼酱炒年糕,味道几香几creamy,之但係我係叫年糕喎,唔係肠粉,个年糕腍到似肠粉,口感很差,中大伏!

【自助餐放蛇卧底组】$200有找 韩菜料理 放题

炸物不是用了很多炸粉,而且热辣辣,抵讚!但係个炸虾天妇罗冇咩虾味喎。

呢到有得烧肉同海鲜,有肥牛、牛舌、一口牛粒、羊架、五花腩、帆立贝、生蚝乜乜乜。虽然刺身同料理用嘅海鲜无咩味,但係烧烤用的海鲜却是另一回事。帆立贝同生蚝绝对是回本首选!够大只又鲜味,要追加再追加!唯一不好的是蒜香粉丝烤生蚝没有粉丝(疑似违反商品説明条例喎)。醉翁之意不在酒,精明的你又点会因为冇粉丝而嬲呢?

【自助餐放蛇卧底组】$200有找 韩菜料理 放题

【自助餐放蛇卧底组】$200有找 韩菜料理 放题

另外,要有心理準备呢到通风系统麻麻,劲大烟,攻到记者标晒眼水,食完成身烧肉味。

除了雀巢雪糕同雪米糍任食外,餐厅都有自创甜品。甜品的设计是时尚简约风,均是以白色为主色,中间配以一点(只是一点)朱古力酱作装饰。贴士:都係主攻雀巢雪糕同雪米糍吧!

【自助餐放蛇卧底组】$200有找 韩菜料理 放题

 

总分:6/10

伏,係无处不在,但烧肉同烧海鲜都不错,可以回本,建议你把胃口留给烧烤。刺身、寿司同韩日料理的味道有很大的改善空间。但呢个价钱,都算係咁啦!

韩日屋

地址: 旺角兆万中心15楼

供应时段: 5pm –1:00am

订座电话: 2989 9433

收费:

成人 $139–$169 小童(1米-1.4米) $99 (星期日至四)

*成人加$30,小童加$10 可享刺身任食

星期五、六、公众假期及前夕每位加$10

上一篇: 下一篇:

相关新闻

推荐阅读